የርዕሰ መስተዳድር ጥላሁን ከበደ መልዕክት

ባለፉት አራት ቀናት የተከበሩ አቶ አደም ፋራህ የብልጽግና ፓርቲ ምክትል ፕሬዚዳንት የተመራ የክልሉ ከፍተኛ አመራሮች መድረክ፤ ክልላችንን የሰላም፤ የመቻቻል እና የብልጽግና ተምሳሌት የማድረግ ራዕያችን ስኬት፤ የጀመርናቸውን ዘርፈ ብዙ የሰላም፤ የልማት እና የመልካም አስተዳደር ሥራዎችን በላቀ አፈጻጸም ከግብ በማድረስ የህዝባችንን ፍትሀዊ ተጠቃሚነት ለማረጋገጥ ተጨማሪ አቅም መፍጠር የቻሉ ውጤታማ የአመራር የምክክር መድረኮችን አካሂደናል፡፡ 

በቀጣይ አመራሩ ውስጣዊ አንድነቱን ይበልጥ አጠናክሮ የተጣለበትን ከፍተኛ ኃላፊነትና ከህዝብ የተቀበለውን አደራ በአግባቡ በመወጣት፤ የህዝባችንን ሁለንተናዊ ተጠቃሚነት ለማረጋገጥ የተቀናጀ ርብርብ እንዲያደርግ በዚህ አጋጣሚ ለማሳሰብ እወዳለሁ፡፡

መድረኮቹ በየደረጃው ያለው አመራር ከመቸውም ጊዜ በላይ የአመለካከትና የተግባር አንድነቱን ይበልጥ በማጠናከር በክልላችን ያሉ አስቻይ ሁኔታዎችን፤ በተለይም በየአካባቢው ያሉ ፀጋዎችና እምቅ የመልማት አቅሞች እንዲሁም የህዝባችንን ከፍተኛ የመልማት ፍላጎት ተጠቅሞ በጋራ ላስቀመጥናቸው የብልጽግና ራዕያችንን ስኬት የጋራ ርብርብ ለማድረግ ከፍተኛ መነሳሳት እና ቁርጠኝነት መፍጠር የቻሉ ሆነው በስኬት ተጠናቀዋል፡፡

ላካሄድናቸው ፍሬያማ የምክክር መድረኮች ውጤታማነት በክልላችን በወላይታ ሶዶ ከተማ ተገኝተው ከፍተኛ አስትዋጽኦ ላበረከቱት ለክቡር አቶ አደማ ፋራህ፤ የብልጽግና ፓርቲ ም/ፕሬዚዳንት፣ ክብሩ ዶ/ር አለሙ ሲሜ እና ክቡር ዶ/ር ሰማ ጥሩነህ የፓርቲያችን ሥራ አስፈፃሚ ኮሚቴ አባላት በክልሉ መንግስት እና ህዝብ ስም ልባዊ ምስጋናዬን ለማቅረብ እወዳለሁ፡፡

ጥላሁን ከበደ

ርዕሰ መስተዳድር